12 februari 2017 de noe al legendarische Kloompezitting bie Bo

kloomp_logo_original
Dat geit get weure dao bie cafe Bo. Dao geit ut daak draaf.

Nao al genomineerd te zeen veur de Zoepkoel en veur de finale van ut LVK goon alle remme los bie de Kloomp.

De artieste sjtoon in de rie um te maoge optreeje. Méh veer goon auch weer trök nao oos auw formule van eige optreejes. Zwah zal Frans ut hazelupke van un poes goon operere en zulle veer unne levende kanonskogel aafsjete. Ja,ja geer leest ut good veer höbbe unne russiese seperatis déh via de Oekrjine in Meersje-Wes is terech gekoome belouf dat veer höm truk sjeete. Sensatie beloofd. Laagpolig cabaret, zoondig 12 februari bie Bo.

Veer moote allein nog effe deze week mit Bo

goon aafsjpreke dat de kloompezitting dit jaor bie höm gehouwe weurt, meh dat zal wel los loupe. Bo is geine lestige.
Méh veer höbbe mjéh, zwah kump de fleur de la fleur van de Limburgse Vastelaovend nao cafe Bo aan de Mert in Meersje.

Exact um 14.11 uur sjtarte we mit un Topbuut. Veer höbbe allein nog geine buutreedner, meh dat kump good. Andersj leege Joke en Frankie un sjtökske tegenein op.

Jeh……… en daonao geit ut gewoon aan ein sjtök wiejer mit de winnaar van het LVK, Hoondervel, Robin Knols, Franz Theunis, Ich & die Anger Zwei, De Divies, Patrick Muitjens, Dubbel 3, De Plekbend, Stef Pedaal (Schumacher en een nieuwe act), Denise & Ritsie, de Hjerringebiesere, Jeromme Gilissen, De winnaar van het ALVK, Ohne Bezej, Kat int Bakkie , Prinse veur ut Leeve, Bjorn van Berkel, Wie Drie, Zugabe, De Knuppele, Jan Kanarie . En dees week zeen dao nog bie gekome: Guus en Anja (lampekap), Walter Nita, Get Knwaj oet Kessel-Eik, unne artist oet Nuusjtad mit ut nr. 0464855633, de aud Prinse van Söstere mit de tophit: Höbste doeve, dan höbste sjtroont, gesjreve door John van café de Gies op Raor. En es de Kloomp dan nog leif, natuurlijk ouch enkele leedsjes van de Kloomp. Veer kinne uch verzekere dat ut ein top programma weurt.

Es geer veur ut geld zörrig, dan zörrig Bo en zien team veur un good glaas beer. De bonne van veurig jaor zeen neet mjeh geldig.

Veur de inwendige minsj is gezörrig, de chinees van nr. 20 deit de frituur get jedder ope.

Vanoet veiligheids euverweeginge moot geer eine ermlengte aafsjtand hawwe van de vrouluuj.

Egaal wat de burgemeister zeit, bie sjleg weir geit ut gewoon door.

Bedankt en tot ziens.

No Comments Yet

Leave a Reply

Your email address will not be published. Required fields are marked *

FireStats icon Powered by FireStats